شىنجاڭ ئادۋوكات تورى新律网

يوللىغۇچى : ئالىي باشقۇرغۇچى
|
يوللانغان ۋاقتى : 2015-12-02
|
7754 قېتىم كۆرۈلدى

قانداق ئەھۋالدا ئىشلەپچىقارغۇچى ياكى ساتقۇچى مەھسۇلات جاۋابكارلىقىنى ئۈستىگە ئالىدۇ؟

دۆلىتىمىزنىڭ 2010 – يىلى 1–ئىيۇلدىن باشلاپ يولغا قويۇلغان ‹‹ھوقۇققا چېقىلىش جاۋابكارلىقى قانۇنى›› دا مەھسۇلات جاۋابكارلىقى توغرىسىدا ئېنىق بەلگىلىمە چىقىرىلغان بولۇپ، تۆۋەندىكى ئەھۋاللاردا ئىشلەپچىقارغۇچى ياكى ساتقۇچى تەرەپلەر مەھسۇلات جاۋابكارلىقىنى ئۈستىگە ئېلىشى كېرەك:

   1) مەھسۇلاتتىكى نۇقسان باشقىلارغا زىيان سالسا، ئىشلەپچىقارغۇچى ھوقۇققا چېقىلىش جاۋابكارلىقىنى ئۈستىگە ئېلىشى كېرەك.

   2) ساتقۇچىلارنىڭ خاتالىقى سەۋەبلىك مەھسۇلاتتا كۆرۈلگەن نۇقسان باشقىلارغا زىيان سالسا، ساتقۇچى ھوقۇققا چېقىلىش جاۋابكارلىقىنى ئۈستىگە ئېلىشى كېرەك.

   ساتقۇچىلاردىن نۇقسانلىق مەھسۇلاتنى ئىشلەپچىقارغۇچىنىمۇ، نۇقسانلىق مەھسۇلات بىلەن تەمىنلىگۈچىنىمۇ كۆرسىتىپ بېرەلمىگەنلىرى ھوقۇققا چېقىلىش جاۋابكارلىقىنى ئۈستىگە ئېلىشى كېرەك.

   3)مەھسۇلاتتىكى نۇقسان زىيان سالسا، ھوقۇقى چېقىلىنغۇچى مەھسۇلاتنى ئىشلەپچىقارغۇچىدىن تۆلەم تەلەپ قىلسىمۇ، مەھسۇلاتنى ساتقۇچىدىن تۆلەم تەلەپ قىلسىمۇ بولىۋېرىدۇ.

   مەھسۇلاتتىكى نۇقساننى ئىشلەپچىقارغۇچىلار پەيدا قىلغان بولسا، ساتقۇچىلار تۆلەپ بولۇپ، ئىشلەپچىقارغۇچىدىن تۆلىتىۋېلىشقا ھوقۇقلۇق.

   ساتقۇچىلارنىڭ خاتالىقى سەۋەبلىك مەھسۇلاتتا نۇقسان كۆرۈلگەندە، ئىشلەپچىقارغۇچىلار تۆلەپ بولۇپ، ساتقۇچىلاردىن تۆلىتىۋېلىشقا ھوقۇقلۇق.

   4) توشۇغۇچى، ساقلىغۇچى قاتارلىق 3 – كىشىنىڭ خاتالىقى سەۋەبلىك مەھسۇلاتتا كۆرۈلگەن نۇقسان باشقىلارغا زىيان سالسا، مەھسۇلاتنى ئىشلەپچىقارغۇچىلار، ساتقۇچىلار تۆلەپ بولۇپ، 3 – كىشىدىن تۆلىتىۋېلىشقا ھوقۇقلۇق.

   5) مەھسۇلات ئوبوروتقا سېلىنغاندىن كېيىن نۇقسان بارلىقى سېزىلگەندە، ئىشلەپچىقارغۇچىلار، ساتقۇچىلار ئاگاھ بېرىش، قايتۇرۇۋېلىش قاتارلىق قۇتقۇزۇش تەدبىرلىرىنى ۋاقتىدا قوللىنىشى كېرەك. قۇتقۇزۇش تەدبىرىنى ۋاقتىدا قوللانماي ياكى جايىدا قوللانماي زىيان سالغانلار ھوقۇققا چېقىلىش جاۋابكارلىقىنى ئۈستىگە ئېلىشى كېرەك.

   6) مەھسۇلاتتا نۇقسان بارلىقىنى بىلىپ تۇرۇپ ئىشلەپچىقىرىۋېرىپ ۋە سېتىۋېرىپ، باشقىلارنىڭ ئۆلۈشىنى پەيدا قىلغاندا ياكى سالامەتلىكىگە ئېغىر زىيان سالغاندا، ھوقۇقى چېقىلىنغۇچى شۇنىڭغا تۇشلۇق جازالىق تۆلەم تەلەپ قىلىشقا ھوقۇقلۇق.

رېھىم نىزامىدىن تەييارلىغان